• Басты
  • ШҚО-да ҚР Президенті жүлдесі үшін халықтық спорт ойындары басталды

ШҚО-да ҚР Президенті жүлдесі үшін халықтық спорт ойындары басталды

11 Қыркүйек, 2014 12:21
Шығыс Қазақстан облысында Президент жүлдесі үшін V Халықтық спорт ойындары басталды, деп хабарлайды ШҚО ақпараттық орталығы.

Жарысқа Қазақстанның 14 облысы мен Алматы, Астана қалаларының өкілдері мен 1600-ден астам  спортшы қатыспақ.

Шара 9 спорт түрі бойынша ұйымдастырылуда: волейбол (ерлер және әйелдер), шағын  футбол, қазақ күресі, тоғызкұмалақ, асық ату, кір тасы спорты, қол күресі, үстел теннисі.

«Біз неғұрлым спортпен жиі айналыссақ, халқымыз да соғұрлым қуатты болып, әлемдегі алдыңғы қатарлы 30-дыққа бір табан жақындай түсетіні анық», - деді ШҚО әкімі Бердідек Сапарбаев спортшыларға сәттілік тілей отырып.

Сонымен қатар, жарысқа қатысушыларды Қазақстан Республикасы Дене шынықтыру және спорт агенттігінің төраға орынбасары Елсияр Қанағатов құттықтады.

«Біздің елімізде Президенттің қолдауымен спорттың дамуына көп көңіл бөлінуде. Мұның барлығы халықтың 30 пайызы спортпен айналысуы керек деген Елбасы тапсырмасының іске асырылып жатқанының көрінісі. Шығыс Қазақстан облысы еліміздегі спорты дамыған өңірлердің бірі. Бұл да осында атқарылып жатқан жұмыстардың арқасы. Нәтижесінде, өңірден шығып еліміздің намысын қорғаған бірнеше спортшыларды сіз бен біз жақсы білеміз», - деді ол.

Айта кету керек, дәстүрлі шара 4 жылда 1 рет ұйымдастырылады. Ойындар 14 қыркүйекке дейін өткізіледі.

Барлық жаңалықтар