2014 жылдың қазан айында Оралда жаңа теннис орталығы ашылады
11 Қыркүйек, 2014 11:10
2014 жылдың қазанын айында Оралда жаңа теннис орталығы ашылады, деп ОКҚ брифингінде Қазақстанның Теннис федерациясының атқарушы директоры Диас Досқараев мәлімдеді.
«Оралдағы теннис орталығын ашу қазан айында жүзеге асырылмақ. Сондай-ақ, Ақтау, Атырау, Астана қалаларында аталмыш орталықтың құрылысын жүргізуді бастадық, тағы бір дайындалу базасы Алматыда құрылады», - деді Д. Досқараев.
Оған қоса, ол соңғы бірнеше жыл ішінде Теннис федерациясы Қазақстандағы теннистің дамуына бірқатар жағдай жасағандығын атап өтті.
«Соңғы жылдары бірқатар іс-шаралар атқарылды. Біз инфрақұрылым, теннистік база, техникалық-материалдық сала бойынша бірқатар жұмыстарды атқардық. Бұл тек жетекші қалаларда ғана емес, елдің барлық өңірлерінде жүзеге асырылуда», - деді ол.
Индира Кауметова
