• Басты
  • Әлемдік теннис жұлдызы Рафаэль Надаль Астанада өнер көрсетеді

Әлемдік теннис жұлдызы Рафаэль Надаль Астанада өнер көрсетеді

11 Қыркүйек, 2014 10:40
25 қыркүйекте Астанадағы Ұлттық теннис орталығында әлемдік теннистің аты аңызға айналған жұлдызы, дүние жүзінің ең үздік спортшыларының бірі –олимпиада чемпионы Рафаэль Надальдың көпшілікке арналған ойыны өтеді. Бұл туралы Орталық коммуникациялар қызметінің брифингінде Қазақстан Теннис Федерациясының атқарушы директоры Диас Досқараев мәлімдеді.

«Қазақстан Теннис федерациясының басты мақсаттарының бірі елде осы спорт түрінің ірі белеске жетуі мен бұқараның кеңінен айналысуына қол жеткізу. Сол мақсатта  халыққа тенниспен айналысу үшін барлық мүмкіндіктерді жасау», - дейді  Д.Досқараев.

Оның айтуынша, Рафаэль Надальдің Астанаға келуі қазақстандықтардың осы спорт түріне деген қызығушылықтарын арттырмақ.

«Әлемдік теннис спортының жарқын жұлдыздарының бірі Рафаэль Надальдің Астанаға келуі елде теннистің дамуына серпін беріп, қазақстандықтардың осы спорт түріне деген қызығушылықтарын арттырады», - дейді атқарушы директор.

Айта кету керек, аталмыш матчта оның қарсыласы әлемдегі теннисшілердің үздік 10-дығына енетін француз спортшысы Жо-Вильфрид Тсонга болмақ.

Индира Қауметова

Барлық жаңалықтар