• Главная
  • Астанада «Қолжетімді баспана - 2020» бағдарламасы бойынша 672 жас отбасы пәтерге ие болды
11 сентября, 2014 11:21

Астанада «Қолжетімді баспана - 2020» бағдарламасы бойынша 672 жас отбасы пәтерге ие болды

Астана қаласы әкімдігімен Қазақстанның Тұрғын үй құрылыс жинақ банкісінің желісі бойынша «Жас отбасылар үшін тұрғын үй» бағыты бойынша «Қолжетімді тұрғын үй - 2020» бағдарламасының қатысушылары үшін тұрғын үйді бөлістіру іс-шаралары жүргізілді.
Астанада «Қолжетімді баспана - 2020» бағдарламасы бойынша 672 жас отбасы пәтерге ие болды

2014 жылғы 4 қыркүйекте Тұрғын үй комиссиясы мәжілісінің отырысы өтіп, онда үміткерлерден түскен өтініштерді қарау нәтижелері бойынша  ұсынылған құжаттар қаралып тұрғын үй алуға үміткер ретінде 672 жас отбасы іріктеліп алынды.

«Жас отбасылар үшін тұрғын үй» бағыты бойынша бағдарламаға қатысушылар саны 5 078 жас отбасы, соның ішінде үш бөлмелі пәтер алуға –  1 302, екі бөлмелі пәтерге – 2 765, бір бөлмелі пәтерге – 1 011 үміткер болды.

Бұл ретте үлестіру үшін 158 үш бөлмелі, 380 екі бөлмелі және 134 бір бөлмелі пәтер бөлінгенін атап өту керек.

«Іріктеу қатысушылардың өтініштерінде көрсетілген пәтерлердің үлгісіне сай келетін тұрғын үй санына сәйкес қатысушылар баллдарының жоғарылығы бойынша жүргізілді. Бағдарлама қатысушыларда баллдар тең болған жағдайда, тізімге енгізу туралы шешім Тұрғын үй комиссиясының дауыс көпшілігімен қабылданды», - делінген хабарламада.

Естеріңізге сала кетейік, бағдарламаның бұл бағыты бойынша Астана қаласында кемінде екі жыл некеде тұрған және ерлі-зайыптылардың екеуі де 29 жасқа толмаған (бағдарламаға қатысуға өтініш берген кезде) жас отбасы, сондай-ақ 29 жасқа толмаған балаларын (баласын) ата-ананың біреуі тәрбиелейтін ажырасқан немесе жесір толық емес отбасылар қатысты. 2014 жылғы 2-14 маусым аралығында халыққа қызмет көрсету орталықтары арқылы «Жас отбасылар үшін тұрғын үй» бағыты бойынша Бағдарламаға қатысуға өтініштер қабылданды.