Түркияда Халықаралық мәдениет және өнер фестивалі аясында "Қазақстан күндері" өтті

СІМ-де хабарлағандай, қаланың фестиваль алаңында құрылған «Қазақ үйінде» қазақ халқының ата-баба салт-дәстүрі мен әдет-ғұрпынан көріністер беретін жәдігерлер, ұлттық киімдер және баспа өнімдері  қойылды. Келушілер назарына Елшілік ұжымы шығарған қазақ және түрік тілдеріндегі кітаптар ұсынылып, сыйға тартылды. «Қазақ үйімен» танысуға келген Анкара қаласының тұрғындары Қазақстан туралы ақпарат алуда зор қызығушылық танытты.

Сонымен қатар, «Көроғлы», «Әлқисса» күйлерін, «Елім менің», «Құралай» әндерін және қазақтың басқа да әйгілі шығармаларын орындаған қазақстандық шығармашылық тобының концерті өтті.