Ә. Жақсыбеков облыс әкімдеріне аумақтық полиция бөлімшелерінің жұмысын жақсартуды тапсырды
11 Қыркүйек, 2014 09:01
ҚР Мемлекеттік хатшысы, Қауіпсіздік кеңесінің Хатшысы міндетін уақытша атқарушы Ә.Жақсыбеков Ақмола, Атырау, Батыс Қазақстан, Қостанай, Павлодар және Солтүстік Қазақстан облыстарының әкімдерімен бейне-селекторлық кеңес өткізді, деп хабарлады Ақорданың баспасөз қызметі.
Іс-шараға сондай-ақ Ішкі істер министрі Қ.Қасымов қатысты.
«Кеңес барысында ішкі істер органдары аумақтық бөлімшелерінің материалдық-техникалық жарақтандырылу мәселелері талқыланды», - делінген хабарламада.
Кеңесте Ә.Жақсыбеков қоғамдық тәртіп пен қауіпсіздікті қамтамасыз етудің айрықша рөлін атап өтті, сондай-ақ аумақтық полиция бөлімшелерінің жұмысын сапалық тұрғыдан жақсартуға бағытталған тапсырмалар берді.
