Ақмола облысында ҮИИД МБ бойынша жоғары қосымша құнға ие 8 жоба іске қосылған
13 Қыркүйек, 2013 14:45
Индустрияландыру картасы бойынша Ақмола облысында жоғары қосымша құнға ие 8 жоба іске қосылған, деп мәлімдеді бүгін баспасөз мәслихатында облысәкімі Қосман Айтмұхаметов.
«Ел Президенті Нұрсұлтан Назарбаевтың Қазақстанды индустриаландыру туралы тапсырмаларын орындай отырып, біз ҮИИДМБ белсене ат салысудамыз. Индустриаландыру картасына барлығы 665 млрд. теңгенің 46 жобасы енгізілген, олардың ішінде 100 млрд. теңгенің33 жобасы іске асырылды. 5 мыңнан астам жаңа жұмыс орындары құрылды. Іске қосылған жобалардың 8 жоғары қосымша құнға ие», – дедіҚ.Айтмұхаметов.
Сонымен қатар, Ақмола облысының әкімі өз сөзінде: «Үстіміздегі жылдың 7 айындағы өнеркәсіптік өндіріс көлемінің, ал бұл 150 млрд.теңгеден астам соманың өнімі, 24%-і Индустриаландыру картасы кәсіпорындарының үлесінде», – деді.
