Нейрохирургтердің Х Азия конгресіне 50 елдің 700 өкілі қатысуда (Брифинг бейнебаяны)
10 Қыркүйек, 2014 16:20
Нейрохирургтердің Х Азия конгресіне 50 елдің 700 өкілі қатысуда, ол Астана қаласында 9-12 қыркүйек аралығында өтуде. Бұл туралы ОКҚ брифингінде «Ұлттық нейрохирургия орталығы» Ұлттық орталығы» АҚ Басқарма төрағасы, «Қазақ нейрохирургия қауымдастығы» Қоғамдық бірлестігінің президенті Серік Ақшолақов мәлімдеді.
«9-12 қыркүйек аралығында Астанада Нейрохирургтердің Х Азия конгресі өтуде. Оған 50 елдің 700 өкілі қатысуда. Бүгінде Астана нейрохирургия мен оның әлемдегі даму әлеуетін талқылайтын алаңға айналды». – деді С. Ақшолақов.
Айта кетерлігі, Нейрохирургтердің Азия конгресі 1993 жылы Жапонияда бекітілген болатын.
Атап айтатын болсақ, аталмыш шаралар елордалар мен ірі қалаларда,Қытай, Үндістан, Индонезия, Малайзия, Түркия, Пәкістан сынды азия елдерінде өткізілді.
2008 жылы Малайзияның астанасында өткен конгресте дауыс беру бойынша шараның келесі кеңесін өткізу құқығын Қазақстан жеңіп алған болатын.
Индира Кауметова
