Алматыда 2015-2020 жылдарға арналған ескі үйлерді жою бағдарламасы дайындалуда

10 Қыркүйек, 2014 17:19

Алматы әкімі Ахметжан Есімовтың төрағалық етуімен ескі үйлерді сүру бағдарламасын іске асыру мәселелері бойынша мәжіліс өтті. Бағдарламаны одан әрі дамытуды талқылауға бейінді құрылымдар басшылары мен қала әкімшілік аудандарының әкімдері қатысты.

Қала әкімдігінде хабарлағандай, қала басшысы алға қойған тапсырмаларды кеңейтуге барлық жағдайды туғызатын 1930-1960 жылдары салынған аз қабатты үйлерді жою бағдарламасының ойдағыдай орындалып жатқанын атап өтті.

«Шын мәнінде пилоттық жоба болған бұл бағдарлама, қазіргі кездің өзінде тиімділігін дәлелдеді. Міндеттер дер кезінде атқарылуда. Бұның бәрі бізге алдында тапсырылған параметрлерді кеңейтуге және оларды көбейтуге негіз береді», - деді Ахметжан Есімов.

Ескі үйлерді жою бағдарламасының аралық нәтижелерін шығара отырып әкім жобалау және құрылыс кезінде «жасыл технологияларды» қолдануға басымдық беріп, коммуникацияға түсетін салмақ пен желінің артуын есепке ала отырып нормативтерді сақтауды тапсырды.

Сондай-ақ, қала басшысы жаңа үйлер аумағында құрылыстың жоғары тығыздылығына жол бермей, сәйкес инфрақұрылымды қамтамасыз етуге назар аударды.

«Бірінші кезекте, ескі үйлерді жою - коммерциялық емес, әлеуметтік жоба», - деді Ахметжан Есімов.

Мәжіліс соңында әкім 2015 жылдан 2020 жылға арналған Ескі үйлерді сүру бағдарламасының жаңа жобасын дайындауды тапсырды.

Естеріңізге салсақ, Алматыда пилоттық жоба шеңберінде 61 тұрғын үй салынады. 2013 жылы ортақ ауданы 9,5 мың шаршы м. 197 пәтер 7 тұрғын үй құрылысы аяқталды. 2014 жылы 503 пәтер 17 тұрғын үй құрылысын аяқтау жоспарланған. 2015 жылы 37 тұрғын үйді салып бітіру жоспарлануда.

Барлық жаңалықтар