Алматы метросының жаңа станциялары бекітілген уақыт бойынша салынады – әкімдік

«Алматы метрополитенінің «Мәскеу» және «Сайран» станцияларының құрылыс жұмыстары бекітілген кестеге сай жүргізілуде, биылғы жылдың желтоқсан айына дейін аяқталуы тиіс. Құрылыс аяқталғаннан кейін поездардың сынақ жүрісі өткізіледі. Осылайша жаңа бағыт тексеріліп, инженерлік және өзге де жүйелер сыналады. Бұл әлемдік деңгейде жаңа станцияны пайдалануға беруде пайдаланылатын міндетті процедура», - делінген хабарламада.

Тексеру мен пайдалануға берудің барлық шаралары аяқталғаннан кейін станция нысандары шаһар тұрғындарының игілігіне қызмет етеді.

Сонымен қатар, жаңа станцияларды кестеден кешігіп аяқтауға ешқандай  да себеп жоқ екені айтылған.