Жекешелендіру нысандарының саны 305-ке артты – Қаржы министрлігі (Брифинг бейнебаяны)
10 Қыркүйек, 2014 14:46
Қазақстанда жекешелендірудің екінші толқыны аясындағы шаралар жалғасуда. Бүгінгі таңда сату кестесінде өзгерістер байқалып отыр. Биыл жекешелендіруге ұсынылатын нысандар саны 295-тен 305-ке артты. Бұл туралы бүгін ҚР Президенті жанындағы Орталық коммуникациялар қызметінің брифингінде Қазақстан Республикасы қаржы вице-министрі Руслан Дәленов мәлімдеді.
«Жалпы, қыркүйектің басына дейін 43 нысан сатылды. Соның 24-і тамыз айында жекеге берілді. Атап айтар болсақ, оның біреуі республикалық меншік болса, 17-сі коммуналдық меншік, ал холдингтер бойынша 8 нысан жекешелендірілді», - дейді ол.
Сонымен қатар, оның айтуынша, сатылым сомасы 1,25 есеге артқан.
«Бүгінге дейінгі жалпы сатылым сомасы 1 339 млн теңгені құрайды. Бұл бастапқы кездегіден 1,35 есеге артық», - дейді ол.
Вице-министрдің пікірінше, бүгінгі таңда сатып алушылар саны 24-ке жетті.
«Сатып алушылар саны - 24. Оның 17-сі заңды тұлға, 2 жеке кәсіпкерлер мен резиденттер және резидент еместер», - дейді.
Индира Қауметова
