Қазақстанда 8 ай ішінде ЖІӨ өсімі 4,1 пайыздан асты – ҰЭМ
10 Қыркүйек, 2014 14:34
2014 жылдың 8 айындағы алдын ала болжам бойынша Қазақстандағы ЖІӨ өсімінің көлемі 4,1% асты. Бұл туралы ҚР Президенті жанындағы Орталық коммуникациялар қызметінің брифингінде ҚР ұлттық экономика министрі Ерболат Досаев мәлімдеді.
«2014 жылдың 8 айындағы алдын ала болжам бойынша Қазақстандағы ЖІӨ өсімінің көлемі 104,1%-дан асты. Ал өткен 7 аймен салыстырғанда 0,1% өсімді байқатты. Басты салалар мен олардың өсім деңгейіне тоқталар болсақ, өндірістің физикалық индекс көлемі 99,9%, ауыл шаруашылығы бойынша 102,5%, құрылыста 104,7%, саудада 109,4%, көлікте 107%, байланыс саласында 109,3%», - дейді Е.Досаев.
Сонымен қатар, министрдің айтуынша, өткен айдағы инфляция деңгейі 0,4% құрады.
«Негізгі капиталға инвестиция 105,7 шамасында, алдағы уақытта бұл арта түспек. Өткен кезеңдегі 8 айда жылдық есеп бойынша инфляция деңгейі 5,4%», - деді министр.
Индира Қауметова
