• Басты
  • Қазақстанда әлеуметтік-еңбек саласындағы әйелдер арасында ақпараттық-түсіндіру жұмыстары басталады
10 Қыркүйек, 2014 12:54

Қазақстанда әлеуметтік-еңбек саласындағы әйелдер арасында ақпараттық-түсіндіру жұмыстары басталады

Қазақстанда «Жұмыспен қамтудың жол картасы-2020» аясында әлеуеметтік-еңбек саласындағы әйелдер арасында ақпараттық-түсіндіру жұмыстары жобасы ашылады. Бұл туралы бүгін Орталық коммуникациялар қызметінің брифингінде Қазақстанның іскер әйелдері қауымдастығының президенті Раушан Сарсембаева мәлімдеді.
Қазақстанда әлеуметтік-еңбек саласындағы әйелдер арасында ақпараттық-түсіндіру жұмыстары басталады

2011 жылдан бастап Қазақстанда «Жұмыспен қамтудың жол картасы-2020» бағдарламасы іске асырылуда. Бағдарлама бірінші кезекте оқыту, жұмыспен қамту, кәсіпкерлік ашу немесе кеңейтуге көмек беру, жұмыссыздық деңгейін азайтуға бағытталған. Осыған орай, Қазақстан әйелдері қауымдастығы ҚР Денсаулық сақтау және әлеуметтік даму министрлігінің қолдауымен әлеуеметтік-еңбек саласындағы әйелдер арасында ақпараттық-түсіндіру жұмыстары  қолға алады.

«Жұмыспен қамту-2020» мемлекеттік бағдарламасы жұмыспен қамту, мамандарды қайта оқыту, біліктілігін арттыру бағытында жұмыс істеп жатқанына қарамастан, халық осы мемлекеттік бағдарлама туралы толық хабардар емес. Жұмыссыздық деңгейі сол қалпында және жұмыспен қамтуда әлеуметтік «осал» топ әйелдер болып қалып отыр. Сонымен қатар, еңбекке жарамды жастағы 2,5 миллионнан астам адам өзін-өзі жұмыспен қамтығандар қатарында. Осы және өзге де мәселелерді ескере отырып, жыл басында Денсаулық сақтау және әлеуметтік даму министрлігінің қолдауымен «Әлеуметтік-еңбек саласында әйелдер арасында ақпарттық-насихат жұмысын жүргізу» жобасын бастадық. Бұл жоба әсіресе, ауылда тұратын әйелдерге бағдарламаның артықшылықтарын түсіндіруге бағытталатын болады»,-деді ол. 

Сондай-ақ,  қауымдастық президентінің айтуынша, осы жобаны іске асыру үшін Қазақстан облыстарынан үш өңір таңдалып алынды.

«Біз әсіресе ауылдық жерлердегі әйелдердің осы бағдарлама туралы кеңінен білгенін қалар едік. Оларға өз кәсіптерін ашуға көмек болсын деп бизнес жоспарлар дайындауға да қол ұшын береміз. Осы жобаны іске асыру мақсатында біз Атырау, Қостанай, Алматы облыстарын таңдап алдық», - дейді ол.

Индира Қауметова

Барлық жаңалықтар