• Басты
  • Петропавлдағы мүгедек балаларға арналған интернаттың ауласына бірнеше тренажер орнатылады
10 Қыркүйек, 2014 10:47

Петропавлдағы мүгедек балаларға арналған интернаттың ауласына бірнеше тренажер орнатылады

Петропавлдағы тiрек-қимыл аппараты зақымданған балалар интернатының ауласына айдың соңына дейiн бiр миллион теңгенiң бiрнеше тренажерi қойылады, деп хабарлады облыс әкімдігі.
Петропавлдағы мүгедек  балаларға арналған  интернаттың  ауласына бірнеше  тренажер орнатылады

«Өңiр басшысы ерiк Сұлтанов аралаған Петропавлдағы тiрек-қимыл аппараты зақымданған балаларға арналған интернат-үйiнде 20 бала тәрбиеленедi. Интернат тәрбиеленушiлерiнң ең кiшiсi 6 жаста болса, ең үлкенi 16 жаста. Балаларға инклюзивтi бiлiм алу үшiн барлық жағдай жасалған. Облыс әкiмi Ерiк Сұлтанов интернаттың жұмысымен танысып, жабдықталу деңгейiмен танысты», - делінген хабарламада.

Ерiк Сұлтанов сонымен қатар, Петропавл қаласының жүйке жүйесi зақымданғандарға арналған интернат-үйiнде болды. Бұл мекеме 310 адамға шақталған.

Қазiргi кезде интернатта күндiзгi бөлiм, кiтапхана, спорт залы, тiгiн шеберханасы жұмыс iстейдi. Мекеме емделушiлерiнiң шығармашылықпен айналысуына толыққанды жағдай жасалған.

 

Барлық жаңалықтар