Strategy2050.kz ақпараттық агенттігіне - 1 жыл

1 жыл бұрын,  10 қыркүйек күні «Казконтент» АҚ ҚР Президенті жанындағы Орталық коммуникациялар қызметінде Strategy2050.kz веб-порталының таныстырылымын өткізген болатын.

Ақпараттық агенттік елімізде «Қазақстан-2050» Стратегиясының жүзеге асырылуы туралы ақпараттар береді. Бір жыл ішінде біз белгілі жетістіктерге жеттік. Strategy2050.kz - Аward.kz Ұлттық интернет-сыйлығының «Билік органдары мен өзін-өзі басқару» номинациясы бойынша жүлделі екінші орынға ие болды.

Порталда Стратегия-2050 жолдауының мәтін,  бейне және аудио нұсқалары орналастырылған. Сондай-ақ, аталмыш құжаттың сурдоаудармасы да берілген.

Сонымен қатар, Strategy2050.kz «Қазақстан-2050» Стратегиясының әлемнің 20 тіліне аударылған нұсқаларын жариялады. Бұдан былай 2050 Стратегиясы мәтінімен Ұлыбритания, Болгария, Испания, Италия, Германия, Румыния, Түркия, Франция, Хорватия, Қырғызстан, Украина, Өзбекстан, Тәжікстан, Түрікменстан, Қытай, Корея, Жапония, Иран және Бірікке араб әмірлігі елдері таныса алады.