Заңдастыру комиссиясына Павлодар қаласының 80 тұрғыны жүгінді
9 Қыркүйек, 2014 18:42
8 қыркүйектің нәтижесі бойынша заңдастыру комиссиясына Павлодар қаласының 80 тұрғыны жүгінді, деп хабарлады қалалық әкімдік.
«Алғашқы күннен бастап тұрғындар заңдастыруға қатысты белсенді кеңес алуда. Бүгінгі таңда комиссияға 80 адам жүгінген», - делінген хабарламада.
Қабылдау комиссиясының орынбасары Ғалима Мұқанова айтқандай, комиссия құрамында жылжымайтын мүлік органдарының өкілдері, санитарлық-эпидемиологиялық қызмет, төтенше жағдайлар қызметі, өрт қауіпсіздігі, жер қатынасы бөлімдері, жергілікті атқарушы органдардың өкілдері мен қоғадық ұйым қызметкерлері бар.
«Жария ету заңы бойынша 6 мүліктің түрі бойынша заңдастыру жүзеге асады. Жергілікті атқарушы органдар Павлодар қаласының аймағында мүліктің екі түрі бойынша заңдастыруды жүзеге асырылады. Біріншісі - жылжымайтын мүлік, екіншісі – өзге тұлғаның атына жазылған мүлік», - деді ол.
