Мәскеуде қазақстандық-ресейлік «Цифрономикон» жинағы таныстырылды
9 Қыркүйек, 2014 19:02
XXVII Мәскеу халықаралық кітап жәрмеңке-көрмесі аясында Мәскеуде қазақстандық-ресейлік «Цифрономикон» техногенді тылсым жинағының таныстырылымы өтті, деп хабарлады Қазақстан Республикасы Президентінің халықаралық «Болашақ» стипендиясы стипендиаттарының қауымдастығы.
Жинақтың идеясы 2011 жылы Астана қаласында «Болашақ» қауымдастығы ұйымдастырған фантастика және футурология ғылыми конгресінде туындады. Шараға атақты Ресей жазушысы Сергей Лукьяненко , Ресей мен Украинаның жазушылар одағының мүшесі Василий Головачев қатысқан болатын.
«Кейін 2012 жылы «Байқоңыр» фантастикалық әңгімелер жинағы жарыққа шықты. Осыдан кейін ресейлік қатысушылар – футуролог Сергей Переслегин мен жазушы Сергей Чекмаев дамыған Қазақстан туралы мистикалық әңгімелер дайындауға бел буды», - делінген хабарламада.
Жинақты құрастырушылар Дәурен Төлеуханов пен Сергей Чекмаев әңгімелер жинап жатқандығын жариялады. Қазақстан, Ресей, Украина, Беларусь, Израиль мен АҚШ-тың 200 авторы өз туындыларын ұсынды.
