Қ.Тоқаев канадалық парламентшілерді қабылдады
Тараптар ЕЫҚҰ Парламенттік Ассамблеясы аясындағы екіжақты негіздегі ынтымақтастықты нығайту мүмкіндіктерін талқылады, деп хабарлайды ҚР Парламенті Сенаты.
«Канада Қазақстанмен арадағы ынтымақтастықты нығайтуға үлкен мән береді. Екі елдің парламентариясының өзара байланысы екіжақты қатынасты жандандыра түспек», - дейді Л.Бенуа.
Канада депутаттарымен арада халықаралық мәселені талқылай келіп Сенат басшысы Қазақстанның БҰҰ Қауіпсіздік кеңесінің тұрақты емес мүшелігіне үміткерлігін қолдауда Канадаға сенім артатынын жеткізді.
«Қазақстанның ядролық қарусызданудағы үлкен тәжірибесі мен Азиядағы өзара сенім және ықпалдастық шараларын нығайту, сонымен қатар бейбітшілікті құрудағы дінаралық және ұлтаралық диалогты қамтамасыз етудегі үлкен тәжірибесін ескерсек, біздің елдің бейбітшілігі мен қауіпсіздігін нығайтуға үлкен үлес қосатыны анық», - деді Сенат спикері.
