Эквадордағы Бүкіләлемдік кадеттер ойынында Қазақстан ҚҚ құрамасы бірінші орынға ие болды

9 Қыркүйек, 2014 09:31

Эквадордың Салинас және Кито қаласында кеше аяқталған ІІ Бүкіл- әлемдік кадеттер ойынында Қазақстан Қарулы Күштерінің құрамасы бірінші орынды иеленді, деп Қорғаныс министрлігі хабарлады.

Қазақстан Қарулы Күштерінің құрамасы сапында Құрлық әскерлері Әскери институтының, Радиоэлектроника және байланыс әскери-инженерлік инстиутының курсанттары мен ҚР ҚМ Армия орталық спорт клубы оқу-жаттығу орталықтарының спортшылары өнер көрсетті.

Әлемнің 25 елінен жиналған әскери қызметшілер бір аптадан астам уақыт бойы жүзу, атыс, әскери бессайыс, волейбол, әскери бағдарлау және жеңіл атлетика бойынша ептіліктерін, жылдамдықтары мен күштіліктерін сынға салды.

«10 шақыры қашықтыққа жүгіруде Спорт комитеті – ҚР ҚМ Армия орталық спорт клубының жеңіл атлетикадан штаттық командасының спортшысы қатардағы жауынгер Михаил Красилов алтын иеленді.Ол мәреге 12 секундта жетіп екінші орын алған эквадорлық Эдвин Моралестің алдын орады. Үшінші орынды перулік Нельфор Дайвис Ривера Варгас иеленді», - делінген хабарламада.

Барлық жаңалықтар