• Басты
  • Алматыда классикалық музыка фестивалі ашылды

Алматыда классикалық музыка фестивалі ашылды

9 Қыркүйек, 2014 19:47
2014 жылдың 9-11 қыркүйегі аралығында Алматының Орталық мәдениет және демалыс саябағында «Оркестрлер шеруі» атты V музыкалық фестивалі өткізіледі, деп ҚР Мәдениет және спорт министрлігінде хабарлады.

Жаңа «Shabyt» жазғы театрында ұйымдастырылатын фестивальді Александр Беляков бастаған Алматы қаласының әкімі эстрадалық-симфониялық оркестрі мен ресейлік «Кватро»тобының орындауындағы әйгілі классикалық шығармалар ашады.

«Оркестрлер шеруінде» тыңдармандар назарына әрбір қазақстандыққа белгілі Абай, Нұрғиса Тлендиев және өзге де отандық композиторлардың туындыларымен қатар  Бизе, Григ, Пуччини, Хачатурян секілді танымал сазгерлердің шығармалары ұсынылады.

«Сонымен қатар, өнер мерекесінде Динзухра Тлендиева бастаған Нұрғиса Тілендиев атындағы «Отырар сазы» академиялық фольклорлық-этнографиялық оркестрі, Қанат Ахметовтың дирижерлығымен Мемлекеттік үрмелі аспаптар оркестрі, А.Жұбанов пен К.Бәйсейітова атындағы музыкалық мектептердің оқушылары, КСРО мен Қазақстанның халық әртістері Бибігүл Төлегенова, Нұржамал Үсенбаева және Жания Әубакірова өнер көрсетпекші», - делінген хабарламада.

 

Барлық жаңалықтар