• Басты
  • ҚТЖ-ның жаңа қызметкерлері үшін бейімдеу шарасы ұйымдастырылды

ҚТЖ-ның жаңа қызметкерлері үшін бейімдеу шарасы ұйымдастырылды

8 Қыркүйек, 2014 18:59
«ҚТЖ» ҰК» АҚ филиалы – «темір жол көлігі персоналын бағалау мен дамыту орталығы» жаңадан жұмысқа қабылданушыларды бейімдеу шарасын өткізді.

Жұмыс күнінің алғашқы бөлігінде Персоналды басқару жөніндегі, Стратегиялық жоспарлау және ұйымдық даму, Тәуекелдерді басқару  жөніндегі департаменттердің, Теміржолшылардың кәсіпкерлер одағының және Өндірістік-техникалық орталықтың өкілдері жаңадан қабылданған әріптестерін  Компанияның Іскери әдеп кодексімен, «ҚТЖ»ҰК» АҚ-ның  құрылымы мен 2020 жылға дейінгі Стратегиялық даму жоспарымен, Тәуекелдерді басқарудың корпоративтік жүйесінің принциптерімен,  Компаниядағы қауіпсіздік  және еңбекті  қорғау мәселелерімен, Теміржолшылардың кәсіподақ ұйымының еңбек қатынастарындағы ролімен таныстырды. 

«Сондай-ақ, бейімдеу шарасына қатысушыларға Компания қызметі, Орталық аппаратының  құрылымы, әлеуметтік пакет, баспанамен қамтамасыз ету, жастар саясаты, қызметкерлерді  оқыту  туралы толық  жазылған арнайы  ақпараттық анықтамалық таратылып берілді», - делінген хабарламада.

 Бұдан кейін жас қызметкерлер «ҚТЖ»ҰК»АҚ-ның  бас ғимаратында орналасқан кітапхана, қысқы бақ, спортзал, бассейнді аралап көріп,  музейде қазақстандық темір жол тарихымен танысты. 

Барлық жаңалықтар