Өскеменде қазақстандық велоспорттың 100 жылдығына арналған веложарыс өтеді
8 Қыркүйек, 2014 14:31
Облыс әкімі Бердібек Сапарбаевтың бастамасымен қазақстандық велоспорттың 100 жылдығына орай 2014 жылдың 12-13 қыркүйекте Өскеменде екі күндік «Tour de Oskemen» веложарысы өткізіледі.
«Веложарысты жоспарлауда Халықаралық велосипедшілер одағының ұсыныстары ескерілді. Тур бірнеше кезеңнен тұрады. Сонымен қатар, жарыс жазық жол және тауға қарай көтерілуден тұрады. Шара өңірдің барынша әсем жерлерін жарнамалауды мақсат етеді», - дейді дене шынықтыру және спорт басқармасы жетекшісі Әбіл Донбаев.
Оның айтунша, шараға қатысушылар ретінде Ресей мен Өзбекстан спортшылары да тіркелген.
Қазақстан атынан жарысқа еліміздің 7 өңірінің спортшылары бақ сынасады, сонымен қатар «Astana Pro Team», «Almaty Bro Team» мен әл-Фараби атындағы ҚазҰУ командасы бар.
Жарыс екі кезеңмен өткізіледі. Яғни, кәсіпқойлар мен әуесқойлар болып бөлінген. Жарысты көрсету үшін арнайы шығармашылық топ та бекітілген. Жарыстың жүлде қоры 5,7 млн теңге.
