• Басты
  • Шетелдік оқу орындарының тәжірибесі Қазақстанның 278 техникалық колледжінде пайдаланылады

Шетелдік оқу орындарының тәжірибесі Қазақстанның 278 техникалық колледжінде пайдаланылады

8 Қыркүйек, 2014 13:02
Шетелдік оқу орындарының тәжірибесі Қазақстанның 278 техникалық колледжінде пайдаланылады. Бұл туралы бүгін ОКҚ брифингінде «Кәсіпқор» Холдингінің басқарма төрайымы Эльдана Садуақасова мәлімдеді.

«Біз шетелдік оқу орындарының тәжірибелерін өзіміздің қазақстандық колледждерде қолдана бастамақпыз, осы мақсатта бірінші кезектегі 10 әріптес колледжді таңдап алдық. Олар облыс орталықтарындағы 10 политехникалық колледждер», - дейді.

Сонымен қатар, басқарма төрайымының айтуынша, осы он әріптес колледждер арқылы тағы жаңадан салынған 6 қазақстандық колледждердің қатысуымен еліміздің барлық колледждеріне шет елдік оқу орындарының тәжірибесі пайдаланылады.

«Осы 10 әріптес колледждер арқылы, кейін тағы 6 колледждің қатысуымен еліміздегі 278 техникалық колледжге шет елдік тәжірибені енгіземіз», - дейді төрайым.

Сонымен қатар, Э.Садуақасованың пікірінше, кәсіпкерлерді дайындау жүйесі де жетілдірілетін болады.  

«Аталмыш шара бірнеше кезең бойынша жүргізіледі. Бірінші кезекте оқытушылардың маман құрамын жаңартамыз. Оқытушыларды дайындаудың жеті модульді жүйесін енгіземіз. Олар тиісінше біліктілік тәжірибесі мен оқытудан өткізіледі. Бұрындары білім беру саласының тәртібіне сай әр оқытушы жылына 144 сағаттық тәжірибелік өндірістен өтуі міндеттелетін, студенттер секілді», - дейді.

Индира Қауметова

 

Барлық жаңалықтар