Қазақстанда халықаралық деңгейдегі 2 колледж бен 4 өңіраралық орталық ашылады
8 Қыркүйек, 2014 12:51
Қазақстанда халықаралық деңгейдегі 2 колледж бен өңіраралық 4 орталық ашылады, деп мәлімдеді бүгін Орталық коммуникациялар қызметінің брифингінде «Кәсіпқор» Холдингі» ҰАҰ басқарма төрайымы Эльдана Садуақасова.
«Жаңа алаңдар мен колледждер құрамыз, яғни халықаралық деңгейдегі 2 колледж ашылатын болады. Олар Алматы мен Астана қалаларында салынады», - дейді Э.Садуақасова.
Сонымен қатар, республиканың төрт қаласында Атыраудағы секілді 4 өңіраралық орталық ашылатын болады.
«Тағы да 4 өңіраралық орталық ашамыз. Оның бірі қазіргі таңда Атырауда ашылды. Қалған үшеуі Өскемен, Екібастұз бен Шымкентте салынады. Осында біз шет елдік әріптестермен білім беру жүйесіне жаңаша қырынан зерттеулер жасаймыз», - дейді төрайым.
Индира Қауметова
