• Басты
  • БҚО-да инвесторлар қаражатына 1,6 млрд теңгенің теннис кешені ашылады

БҚО-да инвесторлар қаражатына 1,6 млрд теңгенің теннис кешені ашылады

8 Қыркүйек, 2014 09:44
Облыс әкімі Нұрлан Ноғаев теннис кешені құрылысымен танысты.

Нысан 2012 жылы инвесторлардың қаражатына салына бастаған. Оның құны- 1,6 млрд теңге, деп хабарлайды облыс әкімдігі.

«Кешен жобасы халықаралық талаптарға сай дайындалған. Оның ішінде 4 ішкі ойын корты мен 4 сыртқы ойын корты бар. Трибуна 250 кісілік орынға есептелген. Мұнда кез келген деңгейдегі жарыстарды ұйымдастыруға болады. Нысан тек ірі жарыстар өткізу үшін емес, сонымен қатар балаларды спортқа баулу мақсатымен де салынған. Өйткені елдің құрамасында бүгінгі таңда жергілікті халық өкілдері тіпті тапшы. Осы орайда бүлдіршіндердің осы спортты жақсылап меңгергені абзал», - дейді «СВ плюс» мердігер ұйымының жетекшісі Сәбит Өтебалиев.

Құрылысшылардың айтуынша, барлық жұмыстар қазір жоспарға сай жүріп жатыр, 20 қараша күні кешен пайдалануға беріледі. Бүгінгі таңда жұмыстың 90 пайызы орындалған. Мердігерлер ауланы абаттандыру, сырлау жұмыстарын жүргізуде.

Барлық жаңалықтар