Астанада «Shape Eurasia 2014» форумы әлемнiң 45 елiнен 100-ден астам жас көшбасшының басын қосты

«Екі жыл бұрын мен осы залда Global Shapers-тің Қазақстандағы хабының ашылуында сөз сөйлеген едім. Ол кезде бұл астанамыздағы санаулы ғана жастың әсіре идеясы сияқты көрінген. Көп адам күмәнмен қарады. Алайда хаб құрылды. Осы аз уақыттың ішінде астаналық шейперлер қолдарынан іс келетінін көрсетті. Этносаралық және дiнаралық сұхбатты құру, жастар үшiн әлеуметтiк лифтiлердi дамыту, 21 ғасырдың халықаралық бiлiм беру жүйесi, жастар кәсiпкерлiгiн дамыту мәселелерi күн тәртiбiнде қаралатын болады», - деді «Нұр Отан» партиясы төрағасының бiрiншi орынбасары Бауыржан Байбек.

Өз сөзiнде ол Астана хабы жаңа буынның қоғамдық лидерлерін қалыптастыра отырып, жарқын, бірегей тұлғаларды қатарына тартатын шын мәнісіндегі әлеуметтік лифтіге айналып отырғанын атап өттi.

«Сіздердің барлығыңыз да ғаламдық лидерсіздер, көшбасшылықтың маңыздылығы мен салмағын жақсы білесіздер. Сіздер әрбір идеяның, әрбір жобаның негізінде тұлға, жасампаздық энергиясы, сенімділік және күнделікті еңбек жатқанын түсінесіздер», - деп толықтырды ол.

 «Біз Қазақстанда лидерліктің құндылығын және тұлғаның маңыздылығын өте жақсы білеміз. Біздің еліміз тәуелсіздіктің алғашқы күндерінен бастап аймақта көшбасшы болуға, білім мен ғылымда, экономикалық дамуда, ядролық қарусызданудың ғаламдық үдерісінде көшбасшылық етуге бет түзеді», - дедi Б.Байбек. 

Индира Кауметова