Астанада автобус көлігінің жедел жүйесін салу жобасы бойынша құрылыс жұмыстары басталды

«БРТ - ол жедел автобустарды реттеп отыратын жүйе. Жолаушылардың жедел автобустары арнайы бөлінген жолақ арқылы қозғалатын болады. БРТ  - ол халықаралық Астана әуежайын,  ЭКСПО-қалашығын, Абу-Даби Плаза мен жаңа теміржол вокзалын өзара жалғастыратын  болады», - делінген хабарламада.

Жол жүру билетттерін сатып алу метро жүйесімен бірдей болады. Осылайша жолаушыларды түсіру және мінгізу кезінде біршама уақыт үнемделетін болады.

Айта кетерлік жайт, алғашқы кезде БРТ желісі бойынша 18 станция салынады.