Елбасы АҚШ Конгресінің мүшелерімен кездесті
5 Қыркүйек, 2014 14:52
Елбасы Нұрсұлтан Назарбаев АҚШ Конгресінің мүшелері Дэйн Рорабакер және Грегори Микспен кездесті, деп Ақорданың баспасөз қызметі хабарлады.
«Кездесу барысында Қазақстан-Америка қарым-қатынасының стратегиялық сипаты, сондай-ақ сауда-экономикалық ынтымақтастықтың қарқынды дамуы атап өтілді. Сонымен қатар, тараптар халықаралық күн тәртібіндегі өзекті мәселелерді талқылады», - делінген хабарламада.
АҚШ конгрессмендері Қазақстанның әлеуметтік-экономикалық жетістіктерін атай отырып, екі елдің арасындағы өзара тиімді серіктестік бұдан әрі нығая береді деп үміттенетіндіктерін жеткізді.
