Қарағанды облысында екі күн ішінде мүлікті заңдастыруға 14 өтініш келіп түсті
5 Қыркүйек, 2014 15:01
Қарағанды облысында алғашқы екі күнде мүлікті заңдастыруға 14 өтініш келіп түсті. Бұл туралы Қарағанды қаласының Қазыбек би ауданы бойынша заңдастыру комиссиясына барып қайтқан аймақ басшысы Нұрмұхамбет Әбдібеков мәлім етті, деп облыс әкімдігінен хабарлады.
Қарағанды облысында заңдастыру бойынша құжат қабылдайтын 21 бекетпен, оларды қарастыратын 18 комиссия құрылды. Сонымен қатар, заңдастырудың алғашқы күнінде 176 адам кеңес алу үшін комиссияға келді.
«Құжат қабылдайтын бекеттердің барлығында мазалап отырған сұрақтарға жауап алуға болатын «жедел желі» телефондары қойылған. Бұдан басқа ақпараттық стэндтер орнатылған. Онда нысанды техникалық сараптамадан өткізуге сертификаты бар сарапшылар туралы мәліметтер орналастырылған», - делінген хабарламада.
