• Басты
  • ҚР Ұлттық музейінің «Ұлттық мұра» І автошеру жаңа жобасы басталады

ҚР Ұлттық музейінің «Ұлттық мұра» І автошеру жаңа жобасы басталады

5 Қыркүйек, 2014 14:02
ҚР Ұлттық музейі Мемлекеттік «Мәдени мұра» бағдарламасының қабылданғанына 10 жыл толуына орай ұйымдастырылған «Ұлттық мұра» автошеруінің басталатынын хабарлайды, музейдің баспасөз қызметі хабарлады.

Автошеру республиканың музей қызметкерлерін шоғырландыру және олардың күшін мемлекеттік бағдарламаны одан әрі жүзеге асыру мақсатымен өткізіліп отыр.

Жоба 3 жылға арналған. Алғашқы «Ұлттық мұра» автошеруінің маршруты Қазақстанның оңтүстік және орталық аймақтарындағы мәдени-тарихи нысандар мен облыстық музейлерді аралауды жоспарлаған.

«Ұлттық мұра» автошеруіне қатысушы Ұлттық музейдің қызметкерлері өздерінің алдына бірнеше мынандай міндеттер қойып отыр: музей ісі бойынша тәжірбие алмасу; аймақтардағы музейлердің жетістіктерін, проблемалары мен келешектегі даму жолдарын талқылау; тарихи-мәдени мұраны көпшілікке таратудағы тиімді тәжірбиені талдап қорыту және тарату.

Аталған жобаның басты бағыттарының бірі Ұлттық музей қорына бірегей мәдени құнды бұйымдарды тауып өткізу туралы тұрғындар арасында ақпараттық насихат жұмыстарын жүргізу болып отыр.

Он күнге созылатын автошеру 10 қыркүйекте Алматы қаласынан басталады.

 

 

 

Барлық жаңалықтар