Сенат Төрағасы АҚШ конгресшілерімен кездесті
5 Қыркүйек, 2014 09:01
Қазақстан Республикасы Парламенті Сенатының Төрағасы Қасым-Жомарт Тоқаев АҚШ Конгресі Өкілдер Палатасының мүшелері Дэйн Рорабакер және Грегори Микспен кездесті, деп Сенаттың баспасөз қызметі хабарлады.
Жүздесу барысында Сенат Төрағасы Қазақстан Америка Құрама Штаттарымен стратегиялық әріптестікті дамытуға зор маңыз беретінін атап өтіп, осы сапардың екіжақты ынтымақтастыққа қосымша серпін беретініне және парламентаралық байланыстарды нығайтатынына сенім білдірді.
« Конгресшілер егемендік жылдарындағы демократиялық реформаларды жүргізудегі және экономиканы дамытудағы Қазақстан қол жеткізген табыстарды атап өтіп, түрлі салалардағы өзара тиімді ынтымақтастықты тереңдетуге мүдделі екендіктерін айтты», - делінген хабарламада.
