• Басты
  • Жамбыл облысында ЭКСПО-2017-ге орай жел электр станциясы салынады - әкімдік
4 Қыркүйек, 2014 18:47

Жамбыл облысында ЭКСПО-2017-ге орай жел электр станциясы салынады - әкімдік

Шу ауданында ЭКСПО-2017-ге жалпы құны 550 млн доллар болатын жел электр станциясы (ЖЭС) салу көзделуде, деп хабарлады Жамбыл облысының әкімдігі.
Жамбыл облысында ЭКСПО-2017-ге орай    жел  электр станциясы салынады  - әкімдік

«Бүгін Шу ауданына жұмыс сапарымен келген аймақ басшысы Кәрім Көкірекбаевқа Шоқпар ауылындағы Жел электр станциясының  құрылыс жобасы таныстырылды, жалпы жоба құны 550 млн доллар. Бұл баламалы энергия көздері саласындағы жобаны Астанада өтетін ЭКСПО-2017 халықаралық көрмесіне дейін жүзеге асыру көзделуде. Жаңа ЖЭС-тың қуаттылығы тәулігіне 250 МВт-қа дейін жетеді деп күтілуде. Қазақстандық «WINDHAN» компаниясы латвиялық инвестормен құрылыс жұмыстарын келесі жылы бастайды. Жаңа ЖЭС Қазақстан бойынша ең ірілердің бірі болмақ», - делінген хабарламада.

Әкімдіктің мәліметі бойынша, бүгінде Жамбыл облысында жалпы қуаттылығы 15 МВт болатын  5 ЖЭС нысаны жұмыс істейді.

Барлық жаңалықтар