4 Қыркүйек, 2014 16:57
2014 жылы балалар үйінің 7 мыңдай тәрбиеленушісі депозиттік шот ашты – БҒМ
2014 жылы Сара Назарбаеваның қолдауымен балалар үйінің 6889 тәрбиеленушісі депозиттік шот ашты, деп мәлімдеді бүгін ҚР Президенті жанындағы Орталық коммуникациялар қызметінің брифингінде ҚР БҒМ Балалақ құқығын қорғау комитетінің төрайымы Забира Оразалиева.
«Биылдан бастап Сара Алпысқызының қолдауымен білім алу үшін қажетті көлемде балалар үйінің 6889 тәрбиеленушісіне депозиттік шот ашылды. Яғни білім алуға жинақ шоттары ашылды. Бұл өз кезегінде түлектерге тек гранттық негізде ғана емес, сонымен қатар ақылы негізде де жинақ ақшаға білім алуларына болады», - дейді З.Оразалиева.
Оның айтуынша, жетім балалар санатындағы балалар үйінің 197 түлегі С.Назарбаеваның гранты иегері атанды.
«Жетім балалар санатындағы техникалық кәсіптік білім беру ұйымдары мен жоғары оқу орындарында оқып жатқан 197 түлек Қазақстан Республикасының бірінші ханымы Сара Алпысқызының гранты иегері болып табылады», - дейді Забира Оразалиева.
Индира Қауметова
