ШҚО-да мүмкіндігі шектеулі жандарға кәсіптік оқу курстары ұйымдастырылды
4 Қыркүйек, 2014 18:06
Шығыс Қазақстан облысында «Жұмыспен қамтудың жол картасы - 2020» бағдарламасы аясында мүмкіндігі шектеулі жандарға сұранысқа ие мамандықтар бойынша кәсіптік оқу курстары ұйымдастырылды, олар болашақта одан ары жұмысқа орналастырылатын болады, деп хабарлады ШҚО-ның Ақпараттық орталығы.
Жұмыспен қамтуды үйлестіру және әлеуметтік бағдарламалар басқармасының бастығы Айжан Садықова атап өткендей, «Жұмыспен қамтудың жол картасы - 2020» бағдарламасы аясында оқытылатын 6 мүмкіндігі шектеулі жан таңдалып алынды, олар медициналық техниканы жөндеуге үйретілетін болады.
«Оқудың ерекшелігі олар арнайы курсқа бармас бұрын жұмыс берушімен алдын ала келісімге отырады. Демек үміткер курс аяқталғаннан соң қайда баратынын алдын-ала білетін болады», - деп атап өтті ол.
Белгілі болғандай мұндай мамандарға сұраныс жоғары және осы принцип бойынша жұмыс істеуге жұмысберушілер әзір.
