2015 жылдан бастап бала асырап алған әр адамға мемлекет 150 мыңға жуық теңге төлейтін болады
4 Қыркүйек, 2014 16:19
2015 жылдың қаңтарынан бастап жетім баланы асырап алған ҚР азаматтарына бір реттік төлем 148 650 теңге төленетін болады. Бұл туралы ОКҚ өткен брифингте ҚР ҒБМ балалар құқығын қорғау комитетінің төрағасы Забира Оразалиева хабарлады.
«2011 жылдан бастап ай сайын бала асыраушылар мен қамқоршыларға 18500 теңге көлемінде жәрдемақы төленеді. Енді 2015 жылдың қаңтарынан бастап жетім баланы асырап алған ҚР азаматтарына бір реттік төлем 75 АЕК көлемінде төленетін болады, бұл дегеніңіз 148 650 теңге», - деді комитет төрағасы.
З. Оразалиева атап өткендей, 2004 жылдан бастап патронатты тәрбие үлгісі дами бастады және патронатты тәрбиешілірге жалақы төленеді.
«Жалпы елімізде патронатты асыраушылар мен қамқоршыларға жан-жақты қолдау көрсетіледі. 2004 жылдан бастап бұл саланын бойына қан жүгірді. Оларға 35 мың және одан да жоғары жалақы төленеді және әр балаға оның жасына қарай 16 - 18 мың теңге жәрдемақы төленеді», - деп сендірді Забира Оразалиева.
Индира Кауметова
