4 Қыркүйек, 2014 15:01

Елорданың сәулет нысандары ерекше жарықтандыру үлгісінде (ФОТО)

Астанадағы Есіл өзені көпірлерінің сәулетті жарық жүйесі мен Астана-Бәйтерек монументінің жаңартылған жарықтандырылуы таныстырылды.

Жобаны іске асыруға жоғары жарықтандыру сапасын қамтамасыз ететін және кеш пен түн мезгілдерінде қаланың сәулет сұлулығын байыта түсетін Philips Color Kinetics құрылғылары негізіндегі динамикалық жарықдиодты жарықтандырудың заманауи жүйесі пайдаланылды.

«Көпірлерге жарықтандырғышты жобалау мен орнату Phillips компаниясы тарапынан «Лайн» ЖШС арқылы жасалынды. Жарықтандыру жүйесі көпірлерді эстетикалық тұрғыда сәндеп қана қоймай, аталмыш сәулет өнері туындыларына ұлттық нақыш бере түсті. Сонымен қатар, жаңа технологияның арқасында аталмыш жарықтандыру деңгейі мен оның түрін оңай алмастыруға болады. Сарыарқа мен Тұран көшелерін жалғап жатқан өткел Орта Азияда Phillips Color Kinetics құрылғысын пайдалана отырып осындай деңгейде қолға алынған алғашқы бастама болды», - дейді «Лайн» ЖШС атқарушы директоры Елена Бибик.

Аталмыш құрылғының көпқызметті функциясы мен сәндік бейнесінен бөлек оның тағы бір артықшылығы, жарықдтодты шамдар арқылы жұмыс істейтін жарықтандыру жүйесі энергияны үнемдеуде таптырмайтын дүние. Әр өткелдің жалпы қуат тұтыну деңгейі 140 кВт құрайды. Ал Астана-Бәйтерек монументінде аталмыш әдісті қолданғалы қуат үнемдеу 85 пайызға дейін азайған.

Айта кету керек, нысандарда орнатылған жарықтандыру жүйесі 160 млн-нан астам түсті шығара алады. Ал ондағы бейнелер мен көріністерді қашықтықтан бірыңғай желідегі ғаламтор арқылы басқаруға болады. Бұл елорданың сәулет өнерін одан сайын байыта түсері анық.

Индира Қауметова

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды