Геодезия мен картография кез келген мемлекет экономикасының негізі – Б. Смағұлов

4 Қыркүйек, 2014 13:48

Геодезия мен картография кез келген мемлекет экономикасының негізі.Бұл туралы бүгін Геодезия, картография, кадастр мен Жерді қашықтықтан басқару бойынша мемлекетаралық кеңестің 36-ыншы сессиясында ҚР Ұлттық экономика министрлігінің Құрылыс, түрғын үй-коммуналдық шаруашылығы мен жер ресурстарын басқару істері комитеті төрағасының орынбасары Бауыржан Смағұлов мәлімдеді.

«Өздеріңізге белгілі болғандай, геодезия мен картография біздің экономикамыздың негізі болып есептеледі. Себебі, картографиялық және геодезиялық материалдармен қамтамасыз ету экономикалық дамудың нүктесі болып есептеледі», - деді Б. Смағұлов.

Оған қоса, сессияда 35-ші сессияда қойылған сұрақтар мен тапсырмалар қарастырылады.

«Сессия жұмысында алдыңғы өткен жиында қойылған жұмыстар мен тапсырмалар шешілетін болады. Сондай-ақ, тәжірибе алмасу,техникалық ұжымның біліктілігін арттыру, профессорлық-оқытушылық құрамның арасындағы тәжірибе, картографикалық ұлттық қордың сандық жүйеге енуі сынды сұрақтар талқыланады», - деді ол.

Өз кезегінде геодезия және картография саласының әлеуеті қала мен облыстарды картографиялық заманауи материалдармен қамтамасыз ету болып табылады.

Индира Кауметова