Батыс Қазақстан облысында 300 тәрбиеші отбасылық тәрбие беру бойынша тренингтен өтті
4 Қыркүйек, 2014 19:45
Батыс Қазақстан облысының балабақша тәрбиешілеріне Астананың отбасылық тәрбие беру орталығы «Педагогикалық коучинг немесе мектепке дейінгі білім берудегі позитивті психология» тақырыбында көшпелі тренинг өткізді. Шараға 297 тыңдаушы қатысты.
Орталық директоры, отбасылық тәрбие беру бойынша психолог-консультант Алтыншаш Матаева профессор С.Л.Евдокимованың «Бақытты отбасы» авторлық жоба бағдарламасымен таныстырды.
Семинар барысында арт-терапия бойынша тәжірибелік жаттығулар мен өзге шынықтыру тәсілдері қолданылды, деп отбасылық тәрбиелеу институтында хабарлады.
