«Жас Отан» белсенділері Ақмола облысында қайырымдылық шара ұйымдастырды

Ақмола облысы әкімдігі хабарлағандай, Көкшетауда «Жастар-Отанға» жобасына сәйкес «Кеңес орталығы» кеңестік орталық жұмыс істеуде, оған тұрақты түрде жергліті тұрғындар хабарласып тұрады.  Жаңа оқу жылы қарсаңында демеушілік көмек сұрап  жүгінген бірінші сынып  оқушыларының ата-аналары «Кеңес орталығының»  қабылдауына келді.

«Жас Отан» ЖҚ активі балалар мен олардың ата-аналарымен бірігіп Көкшетаудың сауда орындарынан мектепке қажетті заттармен мектеп формасын сатып алды. 

«Бізге немқұрайлылықпен қарамай, жағдайымызды түсініп көмектескен жандар мен «Жас Отан» жастарына алғысым шексіз. Менің ұлдарыма олардың сыйлықтары қатты ұнады», - деп ағынан жарылды 8 баланың анасы М.Ахметжанова.

Келесі жолы жасотандықтар игі шарамен бұданда көп адамды қамтуды көздеп отыр.

«Мұндай акция облыстың бірқатар ауданында да өтті. Ерейментау ауданында кәсіпкерлер 100-ге жуық балаға көмек көрсетті. Аталмыш ауданда ағымдағы жылы 526 бүлдіршін алғаш мектеп табалдырығын аттады. Олардың 56 аз қамтамасыз етілген отбасыдан шыққан», - делінген хабарламада.