• Главная
  • 2014 жылы Астана қаласындағы халықтың жалпы саны 20 718 адамға көбейді
4 сентября, 2014 19:02

2014 жылы Астана қаласындағы халықтың жалпы саны 20 718 адамға көбейді

Елорда тұрғындарының саны 2014 жылғы 1 шілдеде 835 153 адамға жетті, деп қала әкімдігі статистика департаментіне сілтеме жасай отырып хабарлады.
2014 жылы Астана қаласындағы халықтың жалпы саны 20 718 адамға көбейді

 «2014 жылғы қаңтар-маусымда халықтың табиғи өткен жылғы қаңтар-маусыммен салыстырғанда 10,3%-ға көтеріліп, 9 831 адамды құраса, көші-қон есебінен өсім - 10 887 адамды құрады», - делінген хабарламада.

Олардың 375 938 (45%) Алматы ауданында, 119 929 (14,3%) Есіл ауданында,  339 286 (40,6%) Сарыарқа ауданында тіркелген.

2014 жылғы қаңтар-маусымда Астана қаласы бойынша 11 621 сәби дүниеге келген. Бұл өткен жылдың сәйкес кезеңімен салыстырғанда 9,7%-ға артық.

Елорда халқының жылдан жылға көбеюіне байланысты астаналықтарды әлеуметтік қамсыздандыру мәселесі өзекті болып қала бермек. Атап өту керек, мектеп жасындағы барлық балаларға білім беруді қамтамасыз ету үшін және қолданыстағы мектептердегі оқушы сыйымдылығының шектен аспауы үшін жыл соңына дейін әрқайсысы 1200 орындық 8 жаңа мектепті ашу жоспарланған.