Самоадағы конференцияда SIDS елдерінің ЭКСПО-2017 көрмесіне қатысу мәселесі талқыланды

ҚР СІМ хабарлауынша, ҚР Сыртқы істер министрлігі мен «ЭКСПО-2017» Ұлттық компаниясы» АҚ және БҰҰ ЭСКАТО бірлесе ұйымдастырған «Шағын аралды дамушы мемлекеттерге арналған болашақтың энергиясы» атты шарада БҰҰ бас хатшысының орынбасары – БҰҰ теңізге шыға алмайтын және даму көрсеткіші аз мемлекеттер мен шағын аралды мемлекеттер мәселесі бойынша жоғары өкілі Гиан Чандра Ачариа, БҰҰ ЭСКАТО атқарушы хатшысы Шамхад Ахтар, көптеген арал елдерінің делегаттар жетекшілері қатысты.

Қазақстанның сыртқы істер министрі Ерлан Ыдырысов сессияның ашылу барысында шараның мақсатты дамуға әсер ететін және энергетика саласындағы түрлі факторлар сараптамасы негізінде SIDS елдеріне қолдау көрсетуге арналған креативті әріптестікке арналған жаңа мүмкіндіктер ұсыну екенін айтты.

«Қазақтан БҰҰ Бас хатшысы Пан Ги Мунның «Баршаға арналған тұрақты энергия» бастамасын толықтай қолдай отырып оны іске асыруда ұлттық деңгейдегі тиісті шараларды қабылдайды», - деді Е.Ыдырысов.

Министр әсіресе «Жасыл өткел» әріптестік бағдарламасы мен Астанадағы ЭКСПО-2017 халықаралық мамандандырылған көрмесі ұйымы секілді елдің бастамаларына ерекше тоқталды. ҚР сыртқы саясат ведомство басшысының айтуынша, аталмыш бастамалар Қазақстанның шағын аралдағы дамушы мемлекеттермен байланысын нығайтуға мол мүмкіндік ұсынады.

«Қазақстан-2050» Стратегиясы елдің даму тетігі мен жолын анықтайтын құжат болып табылады. Қазақстанның осы орайда ЭСКАТО мен өзге де халықаралық ұйымдармен барынша лайықты әріптес болып табылатын мемлекеттермен максималды тиімді байланыс қағидасын іске асыру мен өзге мемлекеттердің дамуына үлкен үлесін қосады», - деді Ш.Ахтар.