Арменияның ЕАЭО-ға енуі туралы келісімнің соңғы нұсқасы төрт елдің үкіметіне жөнелтілді
«Арменияның Еуразиялық Экономикалық Одаққа енуі туралы келісімнің ақырғы нұсқасы Армения, Беларусь, Қазақстан мен Ресей Федерациясының үкіметтеріне жөнелтілді. Төрт елдің әрқайсысы мемлекетішілік процедуралар өткізеді. Олар Президенттің 2014 жылдың 29 мамырындағы ЕАЭО туралы келісімге Арменияның қосылуы туралы келісімге қол қоюы үшін қажет», - деп хабарлайды Еуразиялық коммуникациялық орталық Еуразиялық экономикалық комиссияға сілтеме жасай отырып.
ЕЭК хабарлауынша, РФ Президенті Владимир Путин 2014 жылдың 1 қыркүйегінде Арменияның ЕАЭО-ға енуі туралы келісімге қол қою бойынша үкіметтен ұсыныс алған болатын. Аталмыш құжатқа қол қоятын ақырғы мерзім төрт елдің Президенттері тарапынан шешіледі.
Қазақстан Президенті Нұрсұлтан Назарбаев 27 тамыз күні алдағы 10 қазанда Минскіде келіссөздер өтіп, соның аясында Армения мен Қырғызстанның одаққа енуі туралы мәселені шешу жоспарланып отырғанын айтты.
