Астанаға жыл соңына дейін 190 су жаңа автобус жеткізіледі
4 Қыркүйек, 2014 09:47
2014 жылдың соңына дейін Астанаға «IVEKO BUS» француз компаниясы шығарған дизель отынымен жүретін 350 жаңа автобустың бірінші бөлігі (190 көлік) жеткізіледі, деп қала әкімдігінің баспасөз қызметі хабарлады.
Жыл басында Астанада көлік модернизациясы және «Астана қаласының жаңа көлік жүйесі» жобасын жүзеге асыру аясында IVECO көлік құрастырушы зауытымен автобустарды Елордаға жеткізу туралы келісімге қол қойылған болатын.
«Жаңа автобустар жолаушылар тасымалы сапасын анағұрлым арттырып, қаланың экологиялық жағдайына да оң әсерін тигізетін болады. Қызмет қосымшаларының толық жиынтығымен жабдықталған бүгінгі заман талаптарына толық жауап беретін бұл көліктер Астананың аязды қысына бейімделіп жасалған», - делінген хабарламада.
Сонымен қатар автобустар бейнебақылау, жолаушыларды санау, WI-FI, валидатормен және жолаушыларды ақпараттандыру жүйесі құрылғыларымен жабдықталған.
