4 Қыркүйек, 2014 09:32
Атбасарда жұмысшы жастардың мәселелері қаралды
Ақмола облысының Атбасар қаласында жұмыс істейтін жастардың мәселелері қаралды. Сала мамандары пікірталас алаңында өзара ой бөлісті.
Олар жұмыс істейтін жастардың құқығын қорғау, сынды бірқатар мәселелермен танысып, өздерін мазалап жүрген сұрақтарын қойды.
Келелі кеңес соңында Қазақстанда жақында басталған «Еңбек адамы» байқауы таныстырылды.
Естеріңізге сала кетейік, байқау физикалық күшті көп қажет ететін жұмысты істейтін жастардың арасында өткізіледі. Үздіктердің үздігі металлургия, таухимиясы, мұнайгаз, құрылыс,машина жасау және көлік жүйесі салаларынан анықталады. Қатысамын деушілер арнайы өтініш анкетаны толтырып, жұмысынан мінездеме және «Мен және менің жұмысым» тақырыбында таныстыру жіберуі керек.
Байқаудың қорытындысы қыркүйектің екінші жартысында белгілі болады.
