Қазақстан жастар саясатын жүзеге асыру бойынша жаһандық даму индексінің 27-ші орнында (ФОТО)
3 Қыркүйек, 2014 15:42
Қазақстан жастар саясатын жүзеге асыру бойынша жаһандық даму индексінде 27 орында тұр. Бұл туралы ОКҚ өткен брифингте «Жастар» ғылыми-зерттеу орталығының директоры Жанар Бұқанова мәлім етті.
«Қазақстан жастар саясатын жүзеге асыру бойынша жаһандық даму индексінде 170 мемлекеттің ішінен 27 орында тұр. Бұл Елбасының сарабдал саясаты мен Үкіметтің қолданып шатқан шараларының тиімділігінің айғағы», - деді Ж.Бұқанова.
Ол атап өткендей, бүгінгі таңда жастар саясаты нормативті-құқықтық жүйе жағынан толығымен қамтылған.
«Біз қазақстандық жастарға өз мойнына жауапкершілікті көтере алуына, техникалық процестердің белсенді қатысушысы болуына көмектесуіміз керек»,- деп толықтырды ҒЗИ директоры.
Айта кетерлік жайт, «Жастар» ҒЗИ Елбасының тікелей тапсырмасымен 2013 жылы құрылған. Оның басты мақсаты жастар саясаты саласында терең зерттеу жүргізу.
Камила Амирова
Суретті түсірген Азамат Әлиев
