Астанада Shape Eurasia 2014 Давос форумы өтеді

3 Қыркүйек, 2014 17:36

«Нұр Отан» партиясының қолдауымен 6-7 қыркүйекте Назарбаев университеті қабырғасында 45 елдің жас лидерлері үшін диалог алаңына айналатын ShapeEurasia кездесуі өтеді, деп партияның баспасөз қызметі хабарлады.

ShapeEurasia – ықпалдасу мен әлемдік диалог тұрғысынан еуразиялық құрлықтың өзгерістерін талқылау мақсатында әр аймақтардан келген жас лидерлердің басын қосатын алаң.

Жобаның мақсаты - Еуразияның жас лидерлерін құрлықтың географиялық орталығы – Астанада басын қосу. Аталмыш шара мәдениетаралық диалогты құруға, достық байланыстарды нығайтуға, сондай-ақ ықтимал әлеуметтік-маңызды жобаларды бірлесіп жүзеге асыруды талқылауға ықпал ететін болады.

Кездесуге елорданың жас лидерлерінің GlobalShapersofAstanaHub қауымдастығы ұйытқы болып отыр.

GlobalShapersCommunity – бұл әлемнің 20 мен 30 жас аралығындағы 4500-ден астам жас лидерлері мен кәсіпқойлары жиналған Бүкіәлемдік экономикалық форумы. GlobalShapersCommunity қауымдастығының өкілдері әлемнің ірі қалаларында қызмет орталықтарын ашып, бір-бірімен өзара әрекеттесіп, тәжірибелері мен идеяларымен бөлісіп тұрады. Қатысушылар өзара қарым-қатынас арқылы заңнама және экологияны жақсартудан бастап жастарды жұмысқа орналастыруға дейінгі секілді бүгінгі күннің өзекті мәселелерін шешудегі өз идеялары мен кәсіпкерлік жаңалықтарын жарыққа шығаруға мүмкіндік алады.

Атап айтқанда, жергілікті GlobalShapersofAstanaHub тобы қазірдің өзінде CaféScientifique, WishTree, ActionForum секілді бірқатар жобаларды жүзеге асырып, қаржы саласында бірнеше ашық семинарлар өткізіп үлгерді.

Барлық жаңалықтар