Елбасы Toyota Fortuner және SsangYong Nomad автомобильдерін құрастыру үдерісімен танысты
3 Қыркүйек, 2014 12:45
«СарыарқаАвтоПром» ЖШС-ны аралау барысында Мемлекет басшысы Toyota Fortuner және SsangYong Nomad автомобильдерін құрастыру үдерісімен танысты, деп Ақорданың баспасөз қызметі хабарлады.
Сондай-ақ Нұрсұлтан Назарбаев өндірістік цехтарды аралап көрді және кәсіпорын жұмысшыларымен әңгімелесті. Дайын өнімдер қоймасында Қазақстан Президентіне кәсіпорында шығарылған автомобильдер көрсетілді.
«СарыарқаАвтоПром» ЖШС автомобильдер мен өзге де моторлы құралдар шығарады. Өндірістік қуатына сәйкес, кәсіпорын жылына 1500 автомобиль құрастырады. Онда 500-ге жуық адам жұмыс істейді.
