Мәжіліс төрағасы депутаттарға әлеуетті заң жобалары жұмысын жеделдетуді тапсырды

"Өздеріңіз білетіндей кешегі ашылу салтанатында Елбасы алдымызға үлкен міндеттерді қойды. Мен осы міндеттерді жүзеге асырудағы заң жобаларды үш бөлікке бөліп, жүзеге асыруды ұсынамын",- деді төменгі палата спикері.

Сонымен оның пайымнша, бірінші бөлікке қазақстандық экономиканың тұрақтылығы, екіншісіне - халықтың әл-аухаты, үшіншісі еліміздің қауіпсіздігіне қатысты барлық мәселелер мен заңдар деп топтастырған жөн.

Айта кетерлік жайт, бүгіннің өзінде Президент шұғыл деп жариялаған екі заң  Мәжілісте қабылданды. "Елбасы атап көрсеткен заңдардың барлығы шұғыл және ол бойынша жұмысты жылдамдатуды қажет ететіні анық. Сондықтанда шұғыл қабылдағанымыз жөн",- деп атап өтті ол.

Қ.Жақыпов атап өткендей олар азаматтардың әлеуметтік жағдайын жақсарту, кәсіпкерлік пен агроөндірісті дамыту, білім миграция және т.б.

"Жалпы, әріптестер алдағы жұмыс өте қарқынды және ауыр болмақ. Ұлт көшбасшысы белгілеп берген міндеттер мен мақсаттарды жүзеге асыруда барынша күш жігерлеріңізді салып, жылдамдатуларыңызды сұраймын ",- деп түйіндеді ҚР Парламенті Мәжілісінің төрағасы.

Камила Амирова