Депутаттар БҒМ-ны оқушыларды оқу құралдарымен қамтамасыз етуге шақырады
3 Қыркүйек, 2014 10:53
Қазақстан Республикасы Парламенті Мәжілісінің депутаты Майра Айсина ҚР Білім және ғылым министрлігі қызметкерлерін жаңа оқу жылында оқушыларды толықтай оқу құралдарымен қамтамасыз етуге шақырды.
«Жыл санап оқу құралдарын сатып алудың жүгі ауырлап бара жатыр. Жүргізілген есеп бойынша, оқу құралдары шығыны миллиард теңгеге дейін жетеді. Ал ата-аналар осы құралдардың өздері жеткілікті деңгейде келмейтінін айтады», - дейді депутат.
Оның айтуынша, мектеп кітапханаларында оқу құралдары жетіспейді, мектептердің барлығы оқулықтарға қол жеткізе бермейді.
Осыған орай депутат құзіретті органдарды оқушыларға оқыту-әдістемелік құралдар беру шараларын қабылдауға шақырды.
«Тапсырыс бойынша алынған барлық оқулықтар жеткілікті деңгейде келуі керек. Ол барлық оқушыларға қолжетімді болуы тиіс», - дейді мәжілісмен.
Камила Амирова
