• Басты
  • Ақтөбеде дәрігерлер симуляциялық технологияларды пайдалану арқылы емтиханнан өтті

Ақтөбеде дәрігерлер симуляциялық технологияларды пайдалану арқылы емтиханнан өтті

3 Қыркүйек, 2014 10:16
Марат Оспанов атындағы Батыс Қазақстан мемлекеттік медицина университетінің клиникалық медицина орталығында Қазақстанда алғаш рет дәрігерлер симуляциялық технологияларды пайдалану арқылы емтиханнан өтті.

«Еліміздің халықаралық білім беру, сертификация мен медицина қызметкерлерін аттестациялаудағы бағалауға көшуіне байланысты дәрігерлердің біліктілігін бағалау жаңа форматта - симуляциялық технологияларды пайдалану арқылы жүргізілетін болады. Қазіргі таңда жаңашылдық тек жоғары білімі бар дәрігерлерге қатысты жүзеге асырылуда», - деп хабарлады Ақтөбе облысының әкімдігі.

Бағалау алдында түсіндірме жұмысы жүрізілді. Тәжірибе жүзінде біліктілігін дәрігерлер арнайы медорталықта симуляциялық технологияларды пайдалану арқылы көрсетті. Бұл технологиялар арнайы аудио-бейне жазба технологияларымен де жабдықталған.

Біліктілік дәрежесін алуға үміткер дәрігерлердің өздері атап өткендей, бағалаудың жаңа жүйесі олардың біліктілігін бағалап қана қоймай, медициналық көмектін сапасын арттырады.

 

Барлық жаңалықтар